elisabeth agenda elisabeth on Facebook linkedin Connection linkedin Connection linkedin Connection

Liichterfest zu Betzder


Begleet mat Freed, Lidder an enger Geschicht iwwer d'helleg Elisabeth ass um 16.11.2018 am ISJB zu Betzder am Liewens- an Erennerungsgaart dat traditionell d'Liichterfest gefeiert ginn. Et war zwar kal awer dréchen a gutt 90 Persounen hunn deel geholl. Zum Ofschloss gouf et vir jiddereen Kuch an Zopp.

 

  

 

 

 

 

 

 

D'Equipe Margréitchen bereet sech op d'Joer 2019 vir

Fir de Kanner fir d'Joer 2019 flott an interessant Projeten an Aktivitéiten kennen unzebidden, huet all Member aus der Equipe vun der Crèche Margréitchen sech ee flott Thema erausgesicht an dozou eng Projetskëscht zesummegestallt.

 

Dës Projetskëschten sinn d'Basis vun eise Projeten 2019 a beinhalten Material, Iddien, Beschreiwungen an Aktivitéiten aus de Beräicher "Emotiounen a sozial Bezéiungen", "Werteorientéierung, Participatioun an Demokratie", "Sprooch, Kommunikatioun a Medien", "Ästhetik, Kreativitéit a Konscht", "Beweegung, Kierperbewosstsinn a Gesondheet" an "Naturwëssenschaften an Technik".

 

Am Summer 2018 hat jiddereen seng Këscht prett an huet säin Projet den Kollegen aus der Equipe presentéiert. Folgend ideeräich Projetskëschten sinn entstanen:

  • Waasser - Element vum Liewen
  • Fréijoer
  • Snoozelen
  • Licht a Schiet
  • Nationalitéiten a Kulturen
  • Eis 5 Sënner
  • Musek a sangen
  • Sortéieren a Faarwe kenneléieren
  • Hänn a Féiss

  • Natur

Am Oktober 2018 huet dann all Grupp den Elteren eng Informatiounsversammlung ugebueden an der den Dagesoflaf an der Crèche unhand vu Fotoen a Videoen gewisen ginn ass, sou wéi d'Projeten 2019 virgestallt gi sinn:

  • Januar - Mäerz: Nationalitéiten a Kulturen - Eis Bräich a Fester
  • Abrëll - Juni:  Beweegung a Gesondheet - Mir bléien op mam Fréijoer
  • Juli - September: Eis Ëmwelt - Flora a Fauna
  • Oktober - Dezember: Eis 5 Sënner - Schéines entdecken: Eng Amuse-Bouche fir eis Nues, Haut, Aen, Oueren an eis Zong.

All 3 Méint wäert d'Crèche Margréitchen e Réckbléck op de vergaangene Projet publizéieren an iech en Abléck ginn an déi non-formal Bildung an enger Crèche.

 

Vill Virbereedung, motivéiert Personal, virwëtzeg Kanner an engagéiert Elteren - mir freeën eis op dat kommend Joer.

 

Wanter(glécks)gaart zu Gréiwemaacher

FNR AWARD "Outstanding Promotion of Science to the Public" pour Anne asbl

 

 

elisabeth-Anne asbl est lauréate du prestigieux AWARD du Fonds National de la Recherche pour la promotion des sciences dans l'éducation non-formelle.

 

 

Un grand MERCI à nos équipes du projet INDIANA JOS qui viennent d'être récompensées pour leur travail auprès des enfants.

 

 

Vous trouverez davantage d'informations et les photos de la remise de l'Award sur le site internet du FNR: www.fnr.lu/fnr-awards-ceremony/

 

 

(Photos: Olivier Minaire)

 

 

 

 

Jugendtreff Norden: 2. Präis an der Kategorie Fiction fir de Film "D'wäiss Wourecht"

 

De jonken Auteur Fränz Dormans aus dem Jugendtreff Norden, huet mat senge jonke Frënn aus dem Jugendhaus vom Clierwer Kanton um 66. Festival national du film d'Auteur den 2. Präis an der Kategorie Fiction krut fir hire Film "D'wäiss Wouerecht".

 

Weider Fotoen heizou fannt Dir op eiser Facebooksäit: https://www.facebook.com/261958111191/photos/?

 

 

Chrëschtmaart an der Maison de Soins Sacré-Coeur zu Dikrech den 08. an 09. Dezember 2018

Crèche Margréitchen: Projet "Meng Famill an ech"

 

Vu Juli bis September stoung d'Kand mat senger Famill am Mëttelpunkt vun den Aktivitéiten vun der Crèche Margréitchen. D'Famill gëtt dem Kand vun Ufank un Sécherheet a Gebuergenheet an stellt déi éischt, ewéi och wichtegst Bindung fir d'Kand duer.

 

Befiert mir iwwert d'Famill geschwat hunn, hu mir als éischt beim Kand selwer ugefaangen - seng Stäerkten, Besonneschkeeten an Interessen. Sech selwer kennenzeléieren als Grondlag vun enger gesonder Selbstwahrnehmung, Vertrauen a seng Fäegkeeten an engem gestäerkten Selbstbewosstsinn. All Kand dierf houfreg op seng Begabungen sinn, an awer och léieren Saachen déi et net sou gutt kann als e Stéck, eng Eegenheet, vu sech ze akzeptéieren.

 

 Als zweet an Haapt-Etapp louch de Fokus op der Famill. Froen déi mir eis gestallt hunn waren: Wéi gesäit meng Famill aus? Ween gehéiert alles dozou? Wou wunne mir? Hu mir een Hausdéier? Awer och, wéi eng Sproochen schwätze mir? Schwätze mir méi wéi eng Sprooch?

 

Als Ofschloss hu mir eis nach mat dem Kand sengem Ëmkrees an der Crèche beschäftegt - seng Frënn a seng Bezuchspersounen am Grupp. D'Kanner schléissen hei an der Crèche Frëndschaften, duerch déi si hir sozial Kompetenz weiderentwéckelen an déi si op hirem weidere Wee begleeden wäerten. Eis Kanner stinn nach um Ufank vun dësem Apprentissage an alles wat zu dësem Léierprozess dozou gehéiert, thematiséieren mir zesummen: deelen, sech matdeelen, sech net eens sinn, sech hëllefen, frou sinn sech erëm ze gesinn, streiden, ...

 

Dëst Thema gouf interaktiv gestalt, sou dass d'Famill a ganz besonnesch eis Elteren participéieren konnten. Sou krute mir Fotoen a Postkaarten vu Vakanzen, Fotoen vun Hausdéieren, Lidder vun der Famill goufe gesongen, Bicher vun Doheem goufe gekuckt, mir sinn duerch d'Gemeng bis zu den Haiser vun de Kanner spadséiert, Elteren sinn bei eis op hir Familljesprooch virliese komm, mir hunn e Bréif un d'Famill geschéckt... an nach vill weider Aktivitéiten zum Kand, senge Kollegen a senger Famill.

 

D'Kanner waren immens motivéiert an eis Elteren ganz engagéiert, sou dass e flotte Projet entstanen ass.

 

 

 

Een Nomëtteg op der Fouer

Freides, den 31. August waren eng ganz Rei Kanner a Jonker aus deenen verschiddenen Wunngruppen vun den SAEF um Lampertsbierg, zu Esch um Houwald an zu Ëlwen op Aluedung vun der Stad Lëtzebuerg op d'Schueberfouer. Dank dem groussen Asaz vun der Madame Madeleine Kayser, assistante sociale, konnten déi Kleng an déi méi grouss ee flotten Nomëtteg op de Spiller verbréngen an sech richteg gutt ameséieren. Fir déi Jonk déi dee Mëtteg net konnten dobäi sinn, huet d'Stad Lëtzebuerg eis nach zousätzlech Carnets mat Entréesbilljee'en geschenkt. Des Initiativ gëtt schon zënter e puer Joer ëmmer erëm vun der Stad Lëtzebuerg lancéiert a mir soen deenen Verantwertlechen ee ganz grousse Merci fir hir Generositéit.

 

D'Crèche Margréitchen um Bauerenhaff vun der Famill Kass

 

Een Dag Bauer sinn - huet sech d'Crèche Margréitchen gesot an ass mat 25 Kanner Méindeg, den 23.07.2018 d'Famill Kass op hire Bauerenhaff zu Rolleng besiche gaangen.

 

 

D'Kanner konnten am Botten-Tunnel spillen a mat de Spill-Traktere fueren. Dono sinn d'Geessen an d'Schwäi gefiddert ginn an zu gudder läscht kruten dann och eis jonk Baueren eppes fir an de Bauch.

 

 

Als Bauer rascht een awer net laang, a sou ass et dono mam Unhänger an de Bësch gaangen, wou d'Kanner an der Baach spillen an sech ofkille konnten. Zum Schluss sinn dann nach d'Kéi mat Gras versuergt ginn an d'Eeër opgehuewe ginn.

 

 

Dono war de Rimm dann och erof bei eise klénge Baueren a mir sinn nees zréck op Biissen gefuer wou d'Elteren déi Kléng konnten an de wuel verdéngte Feierowend mat huelen.

 

 

Summerfest an der Crèche Margréitchen

Vum Juli bis den September 2018 beschäftegt sech d'Crèche Margréitchen mam Projet "Meng Famill an ech".

 

An dësem Kader gouf dann och fir der Crèche Margréitchen säin alljäerlecht Summerfest den 11ten Juli de Kanner hir ganz Famill invitéiert. Mat 84 Leit huet d'Crèche d'Schouljoer 2017-2018 gemittlech ausklénge gelooss.

 

Wärend déi Kléng hier Freed um Sprangschlass haten, hunn déi grouss d'Fotobox un d'Schmunzelen bruecht, ier mir dann alleguer zesummen de Buffet vun der Kichenequipe aus der Maison Relais genoss hunn.

 

E grousse Merci un eis Elteren a Kanner déi dës Deeg mat hierer gudder Laun eréischt zu engem Fest maachen an och e grousse Merci och un eis Käch den Daniel an de Jürgen an hierer ganzer Equipe, déi eis e super Buffet gezaubert hunn.

 

Konschtausstellung "INCLUSIVE DONKEY"

Zum 40-järegen Gebuertsdag huet den Tricentenaire eng Ausstellung vu Konscht op Ieselen am Parc du Château zu Heeschdref organiséiert.

 

D'Atelieren am Klouschter vu Munneref ware mat hirem Konschtwierk vertrueden. Mat Fangerspëtzegefill, Gedold an Ausdauer ass den "INCLUSIVE DONKEY" am Atelier Molen entstanen. Eisen Iesel ass gesponsert ginn vun Castel Immo.

 

Den "INCLUSIVE DONKEY" steet fir dat Wäertvollt vum Liewen; d'Liewen mat senger Villsäitegkeet, sengen Aschnëtter, Erliefnisser an Erfarungen. D'Eenzegaartegkeet vun all Mënsch verdäitlechen mir mat eisen faarwegen Fangerofdréck .

 

Eng flott Erfarung.

 

 

D'Crèche Margréitchen op der "Foire agricole"

D'Crèche Margréitchen hat sech mat sengem Grupp vun den Tigeren um Moien vum 26te Juni mam Bummelbus op de Wee op Ettelbréck gemaach fir d'Foire agricole ze besichen.

 

Eis Handpopp d'Susi gouf dës d'Joer vun de Kanner mat op den Tour geholl an zesummen gouf all Déier perséinlech begréisst, all Trakter genau ënnert d'Lupp geholl an d'Wuppen um Grill d'Fäerte geléiert. Als Ofschloss gouf et nach eng Glace an e Gadget.

 

Merci a bis d'nächst Joer soen d'Margréidercher.

 

Projet "Recycling an eis Ëmwelt"

"Wien? Wéi? Wou? Firwat?", 1000 Froen déi eng Äntwert fuerderen, 1000 flott Saachen ze entdecken. Ouni Froen kee verstoen, ouni probéieren kee léieren, kee begräifen ouni gräifen. An dat ass och eise Motto wärend de Méint Abrëll, Mee a Juni 2018. Als Iwwergang vum Projet zur Ëmwelt hinn zum neie Projet "kleng Fuerscher", huet d'Crèche Margréitchen zesummen mat de Kanner, hieren Elteren an der Equipe vun der Gäertnerei en neien Projet op d'Been gestallt: E Weidenhaischen bauen. Mëttwochs, den 9ten Mee hunn d'Leit sech versammelt fir zesummen a mat Hëllef vun der Gäertnerei vun der Gemeng Biissen de Kanner ee Weidenhaischen ze flechten.

 

Als kleng Stäerkung kruten all Participanten nach am Kader vun de Fairtrade-Wochen e Picknick mat fair gehandelten Produiten.

 

D'Crèche Margréitchen seet e grousse Merci un all d'Leit déi gehollef hunn dëse Projet op d'Been ze stellen: Der Gemeng a besonnesch dem Marc Junk deen de Projet geleet huet, dem Max Steffen, deen jiddermann an dat gutt Liicht réckt, eisen Elteren déi ëmmer Zäit fir d'Crèche fannen an de Kanner déi ëmmer gären eng Hand mat upaken.